新景園咖喱小廚

营业中

休息中

犹记得初出茅庐就听闻呢间驰名既咖喱猪扒外卖平$30，几个人柴娃娃外卖返公司食，味道未算一试难忘。 而家可算财大气粗，就黎试下堂食有冇大分别。 估唔到门外人头涌涌，竟然唔洗等就入得喇㖞。咖喱猪扒饭 ($82)生炸新鲜猪扒可谓齿颊留香，表面酥脆、肉质弹牙，咀嚼下更有一丝甜香，唔洗点酱都好够味。 最欣赏两大块猪扒都系纯瘦肉，免除左呃秤又肥腻既烦恼，难得干爽、唔痴牙。 咖喱系典型重椰浆既港式口味，辣味后劲都几强，未有太大惊喜，如果有多几旧薯仔就完美喇。由于即叫即炸，落单后都等左几个字先上菜，以近乎独沽一味既餐厅黎讲，比想像中等得耐。 奇妙地每一台都不约而同先上咖喱汁、猪扒饭后上，令注重热度既我有少少心急如焚。 好彩前后差距只有几分钟，整体几够热，猪扒即使摊冻左都好脆。由于堂食既咖喱汁另上，令猪扒保持酥脆，白饭亦唔会浸腍，整体比一盒过既外卖出色好多。 最重要既系堂食会多一块猪扒，啖啖肉够足料，净系食肉已经食饱，绝对物有所值。干炒牛河 ($78)够镬气、肉同配料都落足料，可惜比想像中多油，味道亦同坊间出品冇乜分别，性价比较低。茶餐厅格局，本来就预左要搭台。 今次咁岩分中四人卡位，坐得几阔落舒服。