影片
更多
2021-08-31
140 浏览
今日食饭时间落大雨，所以平日好多人排队嘅虾面店喺今日嚟讲唔算好多人，我地一行四人等左大概十分钟就有位了~铺头入面面积算细，主要划为两区：一区系bar枱、一区就系普通座位，笔者建议如果多过两个人去食嘅话就唔好坐bar枱了，始终个个人对住栋墙，都几难倾偈。店铺系以电子方式落单，凭住店员俾我地嘅QR code就可以入到电子版餐牌，餐牌食物种类繁多，但系要小心啲点选菜单，尤其系一大班人点餐嘅时候，好容易因为一时唔小心就delete左之前果啲，又或者唔记得按save，之后就......大家都估到咩事了。所以我地今日点餐果阵都好小心，费事一唔小心又要重头嚟过啦~我地每人都嗌左一人餐，包括：一份主食(面食或饭类)、一份小食同埋一杯野饮，呢度最出名嘅就系佢浓郁嘅秘制辣味虾汤底，当然要试下啦，我嗌左虾肉肉片面，配马来香炸鸡翼，再加一杯冻美禄，盛惠$80~先讲味道，汤底十分浓郁、虾肉同肉片嘅配搭非常新鲜，唯一美中不足嘅地方就系檬粉太淋了......鸡翼系啱啱新鲜炸起，外脆内软，调味亦唔会过份浓烈，容易入口！整体嚟讲，食物质素完全对得住呢个价格，而餐厅坐落于湾仔商业中心地带，大家就唔好对店内环境有过高嘅期望
铺头入面面积算细，主要划为两区：一区系bar枱、一区就系普通座位，笔者建议如果多过两个人去食嘅话就唔好坐bar枱了，始终个个人对住栋墙，都几难倾偈。
店铺系以电子方式落单，凭住店员俾我地嘅QR code就可以入到电子版餐牌，餐牌食物种类繁多，但系要小心啲点选菜单，尤其系一大班人点餐嘅时候，好容易因为一时唔小心就delete左之前果啲，又或者唔记得按save，之后就......大家都估到咩事了。所以我地今日点餐果阵都好小心，费事一唔小心又要重头嚟过啦~
我地每人都嗌左一人餐，包括：一份主食(面食或饭类)、一份小食同埋一杯野饮，呢度最出名嘅就系佢浓郁嘅秘制辣味虾汤底，当然要试下啦，我嗌左虾肉肉片面，配马来香炸鸡翼，再加一杯冻美禄，盛惠$80~先讲味道，汤底十分浓郁、虾肉同肉片嘅配搭非常新鲜，唯一美中不足嘅地方就系檬粉太淋了......鸡翼系啱啱新鲜炸起，外脆内软，调味亦唔会过份浓烈，容易入口！
整体嚟讲，食物质素完全对得住呢个价格，而餐厅坐落于湾仔商业中心地带，大家就唔好对店内环境有过高嘅期望了。拎住$80嘅午饭budget，嚟兰杜街嘅虾面店都不失为一个唔错嘅选择架！
17 浏览
0 赞好
0 留言
张贴
