影片
更多
2010-09-14
158 浏览
老妈子生日出去食饭庆祝，等佢煮少餐。之前佢带过我嚟，知佢钟意依间，所以重游旧地。依间铺面面积算细，得6张细圆枱(4~6人)及2张大圆枱(10~12人)，7点半嚟可能要等位，8点后嚟就一定要等位，当然可以外卖，但通常都有两三个等紧外卖。一行五人7点半到，好彩唔等就有位，斟茶嘅就斟茶，主角当然负责拣食咩啦，总共嗌咗五个𩠌同个粉面： 海蜇炒三丝 - 全晚最逊色的一碟！海蜇唔多，三丝(火腿丝、芽菜丝、鱿鱼丝)仲多过佢，喧宾夺主，依道菜应该改名 -> 三丝炒海蜇！但味道就ok。 煎蚝饼 - 今次厨房煎得过火得滞，搅到蚝饼深色咗，女朋友就怕热气(但照食，仲食几多)，我就觉得咁先正，脆口好多，加上调味十足，所以无加鱼露都好味！ 炸春卷 - 酒楼系以萝卜丝、西芹丝、冬菇丝等作内容，但这里系以芋头蓉作内容，小弟对芋头唔感大兴趣，起码食落唔系成口油，炸得好干身。芋头精嘅老妈子就食得津津有味，应该值得一试！ 麻辣鸭舌 - 系厨师推介。果然不同凡响。以细碟上枱，数目都有起码廿只，无两条须，系一嗒过嘅鸭舌。头𠮶几只唔系特别麻辣，但已经入晒味，好食。食到碟底𠮶几只，因为被D辣油浸住，所以更加入味，并且真系
一行五人7点半到，好彩唔等就有位，斟茶嘅就斟茶，主角当然负责拣食咩啦，总共嗌咗五个𩠌同个粉面：
海蜇炒三丝 - 全晚最逊色的一碟！海蜇唔多，三丝(火腿丝、芽菜丝、鱿鱼丝)仲多过佢，喧宾夺主，依道菜应该改名 -> 三丝炒海蜇！但味道就ok。
煎蚝饼 - 今次厨房煎得过火得滞，搅到蚝饼深色咗，女朋友就怕热气(但照食，仲食几多)，我就觉得咁先正，脆口好多，加上调味十足，所以无加鱼露都好味！
炸春卷 - 酒楼系以萝卜丝、西芹丝、冬菇丝等作内容，但这里系以芋头蓉作内容，小弟对芋头唔感大兴趣，起码食落唔系成口油，炸得好干身。芋头精嘅老妈子就食得津津有味，应该值得一试！
麻辣鸭舌 - 系厨师推介。果然不同凡响。以细碟上枱，数目都有起码廿只，无两条须，系一嗒过嘅鸭舌。头𠮶几只唔系特别麻辣，但已经入晒味，好食。食到碟底𠮶几只，因为被D辣油浸住，所以更加入味，并且真系食到D麻辣嘅味道，超过瘾！
卤水鹅片 - 鹅片切得够薄，够瘦，唔会有层肥膏影响食欲，所以食完唔会有惊肥嘅罪恶感！上枱时会再加D卤水汁，将件鹅片反转再反转，额外的入味，美味非常，垫底又有起码一砖嘅豆腐，无械可击！净鹅片就已经可以食两碗饭！
潮州炒面 - 同酒楼的炒面用料差唔多，都系芽菜、火腿，多咗鱿鱼同虾，最唔同嘅系个面嘅做法，酒楼会以炸嘅方法，面就会脆身为主，依个面就唔系炸，应该系炒，所以会保存面嘅爽口，仲食到少少面嘅碱水味(唔错gei，放心！)，几特别！
沙嗲炒河 - 上枱未食已经闻到超野味，做法应该唔系整熟河粉然后落沙嗲，佢系将河粉炒几炒，然后加蛋再炒几嘢，跟住就炒沙嗲牛肉，再落多几条芥兰(唔只一两条)，淋落河粉面，所以食落明显整个都有镬气，好match，只系牛肉落咗松肉粉，少少扣分！一人一碟就会饱晒！
人流多嘅原因系佢哋收碗收得快(唔系𠮶D仲有就收𠮶只，系有礼貌咁问"唔要喇"先收)，然后会叫出面等位嘅客人准备入嚟，所以食完唔可以坐太耐就要走(好事gei，叫你可以行下消化下)。记住要带够cash找数，因为佢哋系唔收credit card!!
张贴