岩盤牛扒 ミディアムレア ステーキ (博文街) (已結業)

大角咀就黎得多，不过特登揾野食就好少，今日就黎到博文街见到呢间铁板牛扒，逐个gram去秤既牛扒，点餐就系讲你想拣牛既边个部位，之后磅下几重，再拣配餐。今日有啲肚饿，所以叫左个400g既后腰三角肉试下，因为之前听人讲呢个位置牛肉味会更浓，所以就叫左一试。店员会系你面前切好旧牛肉再问你配咩油同餐，我就拣左蒜油，配餐拣左饭、面豉汤同可乐。牛扒即柯打即煎保证新鲜。牛扒上枱，好大阵蒜味传入鼻，牛味亦都好香，400g黎讲绝对够食，牛后腰呢个位口感结实，而且牛味真系比其西冷牛柳既地方浓味，好啱我呢啲钟意食牛既人。蒜油既香放埋落白饭配埋牛扒食就最啱，而且餐厅亦都准备左柚子汁伴碟，怕肥腻既朋友仔点一点就会多一种清新既感觉。