影片
更多
2022-09-17
993 浏览
呢排好鬼忙，但又好充实。星期六揾到buddy一齐chill 食个lunch, 对自己好d，唔想再饮茶，去左锯扒。对上一次食Pokka Cafe 系N前嘅事, 只系记得佢杯咖啡好香浓。今日入嚟食，俾佢一个$89扒餐吸引咗，但卖晒。咁转移食$139 +$49嘅上级草饲西冷牛扒套餐1. 西冷牛扒（上台3成熟）一上枱见到西冷厚度，就觉得物有所值。块扒上台时候系三成熟，待应话如果你想再熟啲嘅话，可以切完自己用块铁板整熟。呢个设计几好，小编因为咁分别食咗三成熟，半熟，同埋全熟既牛扒。食落去块肉系好软，易咬开的，但食到最尾嘅时侯，冻咗就会有少少筋。2. 冻滴漏咖啡第一啖饮落去系感受到佢滴漏咖啡㗎香，同埋咖啡味道系有深度。跟住食紧扒嘅时候再饮，啲冰开始溶咗，开始会淡咗少少，但咖啡味都仲系keep到，就应该系因为一开始有咖啡味道够深。到差唔多食完嘅时候饮，就系变咗茶记咖啡嘅味道。对我来讲，杯咖啡味keep到咁耐，都好唔错。3. 跟餐烟三文鱼沙律/温泉蛋+肉酱/意粉想讲呢堆都系正常嘅质素，唔会特别喜出望外。餐厅Lunch尾段都有等两张台，下午2:00后要排队。仲见到有啲外籍嘅客人嚟食，应该可能真系啱佢哋口
对上一次食Pokka Cafe 系N前嘅事, 只系记得佢杯咖啡好香浓。今日入嚟食，俾佢一个$89扒餐吸引咗，但卖晒。咁转移食$139 +$49嘅上级草饲西冷牛扒套餐
1. 西冷牛扒（上台3成熟）
一上枱见到西冷厚度，就觉得物有所值。
块扒上台时候系三成熟，待应话如果你想再熟啲嘅话，可以切完自己用块铁板整熟。呢个设计几好，小编因为咁分别食咗三成熟，半熟，同埋全熟既牛扒。
食落去块肉系好软，易咬开的，但食到最尾嘅时侯，冻咗就会有少少筋。
2. 冻滴漏咖啡
第一啖饮落去系感受到佢滴漏咖啡㗎香，同埋咖啡味道系有深度。跟住食紧扒嘅时候再饮，啲冰开始溶咗，开始会淡咗少少，但咖啡味都仲系keep到，就应该系因为一开始有咖啡味道够深。到差唔多食完嘅时候饮，就系变咗茶记咖啡嘅味道。对我来讲，杯咖啡味keep到咁耐，都好唔错。
3. 跟餐烟三文鱼沙律/温泉蛋+肉酱/意粉
想讲呢堆都系正常嘅质素，唔会特别喜出望外。
餐厅Lunch尾段都有等两张台，下午2:00后要排队。仲见到有啲外籍嘅客人嚟食，应该可能真系啱佢哋口味。唔会赶人走，埋单每人$200左右，价钱中上，但物有所值的
味道: 9/10
服务: 8/10
环境: 8/10
性价比: 8/10
张贴
