鋿晶館

营业中

休息中

今晚收工之后黎左鋿晶馆食晚饭，呢度小菜质素一向唔错。餐牌有小菜，烧味，汤羹鱼翅，海鲜，都有套餐。螺头炖花胶汤螺头炖花胶汤原盅上，热辣辣，除咗主角螺头同花胶各一之外，汤料仲有煲到腍哂嘅鸡脚，好多猪肉，龙眼肉同淮山。个汤好清。回彊大汗榄角酱烧骨 $108 另加一酱烧骨一客6件，烧得几好，烧得有少少脆皮，而肉唔韧。虽然入面有骨，不过细骨都可以食埋，个汁味道唔错，少少甜甜地，上面加左少量菜苗，伴有少少沙律菜。金银蛋浸苋菜苗 $88 另加一苋菜苗上面当然有皮蛋同咸蛋碎，另外仲有肉碎同蒜子。苋菜够新鲜，个汤健康之余又够味，皮蛋好弹牙。鲜百合冰耳炒鲜淮山 $82 另加一鲜百合冰耳炒鲜淮山主要系鲜淮山同西芹，好爽口，另外仲有云耳，百合同灯笼椒一齐炒，油份适中，好健康。食完仲有糖水送，系绿豆沙，绿豆煲到烂哂，完全唔甜。今日食左下午茶打底，食完呢餐啱啱好，多菜少肉感觉健康。之前听闻餐厅系自家制品牌，师傅曾经喺日本东京富丽华工作，专为高管达人同明星服务，返港后喺多间米芝莲酒店同大型连锁集团做主管，唔少来头。而呢度所有手作点心系现场即点即做。入面装修光猛，地方干净。最后当然要多谢友人请客。