Muse Furniture Lab (裝修中)

已经第二次来访Muse Furniture Lab，占地面积好大，有室内同埋室外位置。室内系黑白型格英伦风，室外庭园有好大片草地，有白色大鸟笼、白色花环、沙滩椅等等打卡位。虽然地点偏远，但系最近天气凉快，好适合带同宠物一齐嚟食嘢打卡～烟三文鱼配奶油芝士法式可丽饼$148可丽饼系呢度嘅必点菜式之一❤️可丽饼煎到金黄色，烟三文鱼铺得好整齐，加上一啲酱汁、香草同埋食用花做装饰，睇落好靓！可丽饼香脆又松软，加上奶油芝士嘅香味，味道好浓郁。入面仲有好多菜丝再加埋中间有只太阳蛋，整体味道好夹。蒜香蟹肉带子意大利粉$168蒜味香浓，带子外面煎香，中间类似刺身咁样，味道鲜美。有食用花同埋香草做点缀外观好吸引，意粉煮得刚刚好，软硬适中，带子同蟹肉都好鲜甜。宇治抹茶红豆沙冰 $88外型好吸睛👀抹茶同甜蜜蜜嘅红豆味道简直系绝配，清凉解渴又唔会太甜。草莓茶草莓香味浓郁，而且系无糖㗎，口味清香怡人。