影片
更多
2017-05-09
724 浏览
次次坐车经过都见到d灯光好靓呀，个心成日谂一定要揾一日去试下。哗，今日系假期，果然座无虚席，而且有大量室外坐位同摆设、尽显东南亚风情!柔柔灯光，真教人醉心。但等位时就发生大混乱啦;(稍稍破坏了气氛!先系一行入去，职员就话有三位枱，咁我梗系唔理「三七二十一」行入餐厅，我当然信个职员。点知居然俾其他等位中既客人骂我：「喂有咩理由你三位入先？我四位又讫左枱又攞左飞。」我立即回应：「先生我无心抢你张枱，只系职员示意我地可以入座。」我俾返张枱人地之后即刻问职员攞飞排队，点知十问九唔应，最后搞成20分钟先有枱。一打开menu都好惊喜，因为除左扺泰式野之外仲有印度、星马等多国菜式，事不宜迟，落order!最先上枱系龙眼冰，味道非常清新唔会太甜。开头饮好好味架，点舍当冰融左之后就变得太淡，如果用黎解辣就发挥唔到作用啦。之后个蒜蓉包可算系任餐最失败既菜，揾匀三块都系一粒蒜蓉都无。我明白好多餐厅都用蒜味牛油代替，但最惨系个牛油都无蒜蓉味呢…建议用返真蒜泥令客人觉得抵d!个金柚大虾沙律就好坏参半，金柚部份是好的，好香味、甘而不苦，非常新鲜。但全碟得两只比指头大少少既虾，个汁又好浓，盖过晒柚子本身的鲜味。咖哩
哗，今日系假期，果然座无虚席，而且有大量室外坐位同摆设、尽显东南亚风情!柔柔灯光，真教人醉心。但等位时就发生大混乱啦;(稍稍破坏了气氛!
先系一行入去，职员就话有三位枱，咁我梗系唔理「三七二十一」行入餐厅，我当然信个职员。点知居然俾其他等位中既客人骂我：「喂有咩理由你三位入先？我四位又讫左枱又攞左飞。」
我立即回应：「先生我无心抢你张枱，只系职员示意我地可以入座。」我俾返张枱人地之后即刻问职员攞飞排队，点知十问九唔应，最后搞成20分钟先有枱。
一打开menu都好惊喜，因为除左扺泰式野之外仲有印度、星马等多国菜式，事不宜迟，落order!
最先上枱系龙眼冰，味道非常清新唔会太甜。开头饮好好味架，点舍当冰融左之后就变得太淡，如果用黎解辣就发挥唔到作用啦。
之后个蒜蓉包可算系任餐最失败既菜，揾匀三块都系一粒蒜蓉都无。我明白好多餐厅都用蒜味牛油代替，但最惨系个牛油都无蒜蓉味呢…建议用返真蒜泥令客人觉得抵d!
个金柚大虾沙律就好坏参半，金柚部份是好的，好香味、甘而不苦，非常新鲜。但全碟得两只比指头大少少既虾，个汁又好浓，盖过晒柚子本身的鲜味。
咖哩青口听落够正啦挂？个咖哩都的确色水好靓同好滑，淡淡椰香味中和左个辣味，用咖哩汁送饭点包食一流。可惜另一边厢青口雪藏味重，肉质都较硬，令其唔太入味。
讲完唔好就讲下好啦，个冬阴公系好味既、足料既。一个regular size 都分到5小碗或以上，见到大大只虾好兴奋。我个人就钟意酸d既冬阴公，arm晒我口味，但同时呢个汤亦甜左少少。
爸妈话牛尾煲好好食，除左唔膻之外、牛尾份量好多，伴碟既配菜都腌得好淋好好味，入口即溶!
张贴
