影片
更多
2022-08-13
219 浏览
平时见到人推介已经好想去试, 咁啱朋友揾我食饭, 又有揸车就捉左佢去试!餐厅门外就有位可以免费泊车好方便! 我地拣左个肉蟹放题 - $418餐, 包括有生蚝, 扇贝, 鲍鱼各1只, 海中虾2只, 最正嘅系蚬及肉蟹，系可以任食!拣完餐后我地就出去水箱拣海鲜，呢度可以自己捞部份套餐指定可食嘅海鲜，睇中边只拣边只，好好玩又新鲜～拣完后就比师傅处理好就拎返比我地蒸😋😋餐厅职员好nice，好主动帮我地蒸煮枱面上嘅食物同埋介绍出面自助区可以拎酱料同埋可以夹时蔬，系任食嘅～等食物熟嘅过程中就可以食住套餐上包左嘅温泉蛋同埋汤， 温泉蛋煮得啱啱好同埋佢系用左日本蛋嚟整，一啖啜入口，好有蛋味同埋好嫩滑～正！🤤🤤而老火汤系椰子鸡汤，饮落椰味超重，饮得出系落足料去煲同埋无落味精，超好饮！食到咁上下啲肉类都熟啦，职员帮我地先蒸左红枣杞子虫草花蒸鸡，jumbo彷蟹柳同埋小笼包先，鸡好滑好JUICY～然后就到主角海鲜啦～元贝有成只手咁大只；虾又大只又弹牙； 蚝好肥美饱满； 蚬无沙； 鲍鱼好新鲜； 估唔到任食嘅肉蟹都好肥嘟嘟，好多膏又好多肉～ 最最最紧要系全部海鲜都好新鲜又鲜甜！ 海鲜方面嘅质素实在令我好惊喜！😍😍食
平时见到人推介已经好想去试, 咁啱朋友揾我食饭, 又有揸车就捉左佢去试!
餐厅门外就有位可以免费泊车好方便!
我地拣左个肉蟹放题 - $418餐, 包括有生蚝, 扇贝, 鲍鱼各1只, 海中虾2只, 最正嘅系蚬及肉蟹，系可以任食!
拣完餐后我地就出去水箱拣海鲜，呢度可以自己捞部份套餐指定可食嘅海鲜，睇中边只拣边只，好好玩又新鲜～拣完后就比师傅处理好就拎返比我地蒸😋😋
餐厅职员好nice，好主动帮我地蒸煮枱面上嘅食物同埋介绍出面自助区可以拎酱料同埋可以夹时蔬，系任食嘅～等食物熟嘅过程中就可以食住套餐上包左嘅温泉蛋同埋汤， 温泉蛋煮得啱啱好同埋佢系用左日本蛋嚟整，一啖啜入口，好有蛋味同埋好嫩滑～正！🤤🤤而老火汤系椰子鸡汤，饮落椰味超重，饮得出系落足料去煲同埋无落味精，超好饮！
食到咁上下啲肉类都熟啦，职员帮我地先蒸左红枣杞子虫草花蒸鸡，jumbo彷蟹柳同埋小笼包先，鸡好滑好JUICY～
然后就到主角海鲜啦～元贝有成只手咁大只；虾又大只又弹牙； 蚝好肥美饱满； 蚬无沙； 鲍鱼好新鲜； 估唔到任食嘅肉蟹都好肥嘟嘟，好多膏又好多肉～
最最最紧要系全部海鲜都好新鲜又鲜甜！ 海鲜方面嘅质素实在令我好惊喜！😍😍
食到差唔多，我哋就食个南瓜芋头排骨粥底， 粥底吸收晒海鲜嘅精华， 唔使落调味料都已经好鲜甜美味～另外职员比左一兜炸脆脆我地送粥， 令到个粥更加香口有口感！
最后食埋个精美甜品， 我哋就捧住个肚走LU～ 今餐真系好丰富，食得超满足呢～
最可惜今日唔系星期六日，睇唔到🎤live band表演～ 唯有等下次再嚟希望可以欣赏到～
张贴
