影片
更多
2009-01-17
42 浏览
今篇文嘅相，系早前在「红跑车」生日饭局影嘅。如同好多客人一样，我都系因为此店成为开饭荃湾最受好评名店专程而来。经常路过此店，开口细细又灯光昏暗，再看那价钱牌，茶记格局却比一线商场内越南食肆更贵，本来就无打算帮衬。但见开饭内好评如潮，就打去订台。四人卡座狭窄得很，两人坐还可以，四人同桌很不自在。本身对越南菜无乜认识，除咗必点牛柳粒红饭就无所谓。跟老板娘说由她发板，结果就食咗餐越南「私房菜」。此话何解? 因为香煎原条马头鱼、芝士烧焗珍宝虾等菜式都系餐牌以外嘅，老板娘热情推介，也就唔好意思推却。一如开饭食评所言，老板娘实在过份热情，其实我好怕呢种情况嘅。佢不时过来同我哋倾偈，又问好唔好食，唯有礼貌地答好(但系心入面唔系呢个答案)。老板娘都知好多客都系从网上看过食评而慕名而来，亦有派卡片给我和邀请我到开饭写篇食评。但讲真，呢餐四人食唔饱又真系要用唔好味形容嘅越南菜，埋单要成$730，贵得要命。张台有几狭隘? 四张餐纸加埋多少少，睇吓一碟饭已经占咗半张台就知，真系茶记老麦都无咁逼。越南菜本来就系下价嘢，收越南食店中嘅顶级价钱，用餐环境狭隘死症无得改都算，好心唔该唔好用工厂饭堂级餐具啦。当然，要是
但见开饭内好评如潮，就打去订台。四人卡座狭窄得很，两人坐还可以，四人同桌很不自在。本身对越南菜无乜认识，除咗必点牛柳粒红饭就无所谓。跟老板娘说由她发板，结果就食咗餐越南「私房菜」。
此话何解? 因为香煎原条马头鱼、芝士烧焗珍宝虾等菜式都系餐牌以外嘅，老板娘热情推介，也就唔好意思推却。一如开饭食评所言，老板娘实在过份热情，其实我好怕呢种情况嘅。
佢不时过来同我哋倾偈，又问好唔好食，唯有礼貌地答好(但系心入面唔系呢个答案)。老板娘都知好多客都系从网上看过食评而慕名而来，亦有派卡片给我和邀请我到开饭写篇食评。
但讲真，呢餐四人食唔饱又真系要用唔好味形容嘅越南菜，埋单要成$730，贵得要命。
张台有几狭隘? 四张餐纸加埋多少少，睇吓一碟饭已经占咗半张台就知，真系茶记老麦都无咁逼。越南菜本来就系下价嘢，收越南食店中嘅顶级价钱，用餐环境狭隘死症无得改都算，好心唔该唔好用工厂饭堂级餐具啦。当然，要是好味的话，如图般卖相都算，但成餐除咗牛柳粒ok之外，根本唔好食，连最basic嘅生牛肉河都竟然唔得，牛肉又厚又嚡，越南菜餐厅点可以咁样。
无记错越南拼盘好似系$68定$78左右，无论卖相以至味道，都系唔得。其实我想食虾饼，无谂过拼盘入面竟然无，好欠望；不过都系自己衰无问啫，唔关人事。睇见只鸡翼系两寸长嘅迷你版，再睇吓扎肉片嘅卖相，唉。此乃上的第一道菜，心里已在想，自己屋企做菜都会执吓𩠌菜嘅摆位吧? 好评餐厅卖相系咁的话，唔得啰。
芝士烧焗大虾，$90只，价钱、卖相都尚可，可惜焗出来芝士还芝士，虾肉还虾肉。可喜的是虾应该是新鲜的，大只得有手掌般长。
牛柳粒红饭的牛柳唔错，够松化，份量亦多。唔知点解拼盘入面两串串烧份量反而咁少，而且相比起来要勒得多。红饭极干硬，似印度菜，每次食越南菜我都必点红饭，印象中红饭唔应该系咁。
马拉盏炒杂菜，卖相真系好难睇，有影到相，可惜openrice放得四张相上来。一味得个辣字，但重点系点𩠌时已同老板娘讲到明呢道菜系要走辣的。
其实当我食佢嘅生牛河，用嘅牛肉系鞋到我成世从未食过咁鞋嘅生牛肉，而且碗清汤淡如水，伙记却完全无打算俾任何酱汁/醋/辣椒粒/青柠/香草等配料我嘅时候，我已决定，要是我在开饭写食评，肯定系俾喊脸的了。
扎肉河接著送上。又系拼盘中那些扎肉，因为讲咗走青走芽菜的关系，成碗河就只得河粉、清汤同几片扎肉。我要重申，我哋台面已放咗两碗河，但都无人给付任何配料/酱汁，连好基本嘅酸醋都无，越南餐厅来说真系好「独特」啦。
至于所有嘢都食完好耐先等到嘅煎马头鱼，貌似煎咸鱼，食落又好似煎大眼鸡咁，又嚡又无味道，索价$240，认真唔识欣赏。可能在越南，这是特色菜吧? 但真系唔好食啰。
总共叫咗一碟煎马头鱼$240、两售烧大虾约$180、一碟越南拼盘约$68、一碟炒杂菜$68、一碟牛柳粒红饭$78、两碗汤河各$38，送咗一个白饭、一人一片法饱同糖水，成餐既唔好食又食唔饱，咁就七旧几水，早知去食自助餐啦，心痛死我喇。
结论系，开饭内食评参考尚可，切忌尽信，始终都系要自己食过先知龙与凤。
张贴
