沙嗲王 (已結業)

本身同朋友一心打算去沙嗲王，就search左open rice，其实系想去另一间，但错有错著，去左呢间好高质既餐厅！呢间餐厅无特定既国家特色，咩类型既茶式都有。系呢到食野，总体评价都好好，唯一失望既系，我叫左3-4样菜式，都无晒！但转左其他，都好满意！泡菜炒年糕我十分十分钟意既菜式！佢酸酸地，年糕炒到几入味，辣辣地，好开胃！佢泡菜都落得好多，绝无偷鸡架！鳗鱼炒饭佢一放低个一下，已经闻到香味！都算几大碟，都唔系太食得晒。入面有好多鳗鱼肉，食落好有口感，超好味！但如果再咸多少少就好。炸馒头佢炸得好香脆，外脆内软，但又唔系炸得太干身，唔似食饼干！我既食法，系将馒头撕开一半，用泡菜夹住黎食，一流呀！炸虾卷呢道菜就不过不失啦！同一般食到既炸虾卷差唔多，但抵赞既系咬落啖啖都系虾肉！光芒四射呢杯野饮都几抵饮！好多芒果肉，有芒果沙冰，又有珍珠！名正言顺光芒四射！食品质素就非常满意，唯独侍应成日都听唔清楚落单既野，要重复几次。不过都会再帮衬！