靠得住粥麵小館 (奧海城二期)

营业中

休息中

本身订咗位同老板饮茶，但系落雨唯有去商场食饭，点知另一间酒楼又斋入订位客。全部Walk in客呆等。谷鬼气就过咗去对面食粥。平时真系好少lunch出去外面食饭，原来呢间粥舖而家多咗好多选择。又可以配小食，最钟意可以自由配搭，唔使限住晒。咁就叫咗个艇仔粥配一份牛肉，本身想食蚝仔，但系惊自己肠胃唔好都系无配。点解想食艇仔粥，其实系想食碎牛，但系𢳂嘅时候好似冇觉，反而有啲好似鸭肉丝嘅物体。OMG!最怕嘅艇仔粥落鱼片，不过好彩佢啲鱼片都唔腥又唔系同埋冇骨，又处理得几好。啲牛肉唔系肥牛，系滑牛咁款，但系又唔会好多油落去腌。补偿返冇得食碎牛㗎心愿。个粥底都唔会太稀，就算撩咗好多羮最尾都唔会水。同事嗌咗扣肉饭，老板同大老板就叫咗炒面，望落去都几吸引，下次出街食晏又可以多个选择。