影片
更多
2009-04-10
40 浏览
WOW 二人常餐汽水(忌廉+百事)忌廉味劲怪，甜得过火不特止，仲有药水味同桂花味! 系咪出左新口味? 唔止我咁觉得，连朋友仔都认同。忌廉汤本身想饮菜汤，但来错忌廉汤。由于太肚饿既关系，既来之则安之，唔想又再等多十分钟。忌廉汤无特别，依旧咁杰他他兼咸左D。吞拿鱼什锦沙律本身叫常餐可另加$8要的，但因有优惠卷而只需付出加一(即$0.8)即可品尝。除了份量少到无人有，大概只能sip sip牙lar既罐头吞拿鱼外，什锦即包括菠萝、蕃茄、薯仔、螺旋粉、提子干、火腿、青椒丝……味道不俗；以$8来说 ，呢个份量系无可厚非的。然而佢应该叫什锦沙律算，否则会令人觉得有欺骗成份。蒜蓉包迟迟先送来，但忌廉汤早已饮完兼收回。以为新鲜滚热辣，点知已经又冻又干又无牛油味。肉肠咖哩芝士汁意粉虽然叫做咖哩芝士汁，但我丝毫食/睇唔出有芝士成份系入面。味道几好，肉肠份量不少，又有数片蘑菇青椒丝。不过俾人既感觉似大X乐、美X果类快餐店既味道。美式滋味pizza选择来食Pizza Hut，很大原因是为了可转芝心批既mini pizza(我同朋友仔都因胃口缩少兼怕肥，即使share普通批都不愿意)。不过同网站或其他食家之前食过
汽水(忌廉+百事)
忌廉味劲怪，甜得过火不特止，仲有药水味同桂花味! 系咪出左新口味? 唔止我咁觉得，连朋友仔都认同。
忌廉汤
本身想饮菜汤，但来错忌廉汤。由于太肚饿既关系，既来之则安之，唔想又再等多十分钟。
忌廉汤无特别，依旧咁杰他他兼咸左D。
吞拿鱼什锦沙律
本身叫常餐可另加$8要的，但因有优惠卷而只需付出加一(即$0.8)即可品尝。
除了份量少到无人有，大概只能sip sip牙lar既罐头吞拿鱼外，什锦即包括菠萝、蕃茄、薯仔、螺旋粉、提子干、火腿、青椒丝……
味道不俗；以$8来说 ，呢个份量系无可厚非的。然而佢应该叫什锦沙律算，否则会令人觉得有欺骗成份。
蒜蓉包
迟迟先送来，但忌廉汤早已饮完兼收回。以为新鲜滚热辣，点知已经又冻又干又无牛油味。
肉肠咖哩芝士汁意粉
虽然叫做咖哩芝士汁，但我丝毫食/睇唔出有芝士成份系入面。
味道几好，肉肠份量不少，又有数片蘑菇青椒丝。
不过俾人既感觉似大X乐、美X果类快餐店既味道。
美式滋味pizza
选择来食Pizza Hut，很大原因是为了可转芝心批既mini pizza(我同朋友仔都因胃口缩少兼怕肥，即使share普通批都不愿意)。
不过同网站或其他食家之前食过既都唔一样。相比之下细得多，成个批只得连一毫子面积都无既数块菠萝和鸡肉。好彩pizza真系即叫即制，而批边既芝士亦深得我们心，所以赚回不少分数。
服务一个字，差。尤其是serve我地既男侍应生。
1. 本身叫一个忌廉汤一个菜汤，但最后来左两个忌廉汤，明明见住男侍应生写低都可以错单
2. 食食下野，见到隔离台投诉男侍应生张帐单出错(虽然唔关我事，但同我后来既遭遇差不多，再次显示男侍应生是何其冒失)
3. 侍应生送上吞拿鱼什锦沙律，然而桌上只有一把刀(本来都有汤匙，但一黎无可能用汤匙食沙律，二黎佢早就连埋碗汤收左去)，难道要我地用手食? 而且我地正好坐系厨房通道旁，o系我主动提出要餐具前已有五个以上侍应生经过，但无一人理会过我们。
4. 有一女侍应生手捧著我们的蒜蓉包、肉肠咖哩芝士汁意粉，以及一碟其他人既白汁意粉。蒜蓉包兼只碟俾两碟意粉压住，女侍应点拎都拎唔到，最后当住我地面前用只叉挑出被压住既蒜蓉包，当时真系几无奈
5. 承上面，女侍应生放低蒜蓉包后，放下一碟白汁意粉(我地明明系叫肉肠咖哩芝士汁意粉，但当时又无留意)。隔左阵，我想食意粉先知道黎错，刚好女侍应生送返岩果碟黎(我估计系另一张台话佢，佢先sense到送错)
6. 一后生女侍应生带著一家四口(佢地拎著大包小包，兼且当中包括一个拎著拐杖既老婆婆)来隔离台坐，当时已经两点几，全场一半full，而隔离台只有很少空间，根本坐得唔舒服。佢地问后生女侍应可唔可以转前面张六人台，但侍应面有难色地皱眉，刚好有个疑似经理既男人到来才解决。我真系唔明白，已经过左繁忙时间，客人咁多行李兼有个老人家，仲要叫人坐咁逼做咩。
7.叫另一男侍应生埋单，佢话等等先，点知等左成个字都无人黎，最后叫返冒失男侍应
8. 落单时已经举起优惠卷(免费小食，我拣左吞拿鱼沙律)，但结帐时发现佢唔系计免费，要俾多$8，好彩有check单。再一次证明男侍应生好冒失。
9. 由于食完呢餐就要去睇戏，时间无多，然而改帐单改劲耐，等成十分钟。结果由叫埋单果一刻到真系走人足足等左三个字!!差(累到我几乎迟到，错过出戏既开头)
估唔到食一个钟饭，呢间餐厅既服务已经有九宗罪，真系无人能及(至少我从未见过)
张贴
