錵の工房 (已結業)

啱啱同女友上完画班堂，正好系LUNCH时间就同佢黎左楼下嘅錵之工房食晏。呢度主打系日式家庭料理，所以环境都同日本嘅食堂有几分相似。先睇睇大MENU，饭/意粉/汉堡及各种小食都一应俱全。而LUNCHSET嘅选择更多，拉面/乌冬及定食都有，所以就同女友各点左个，大家SHARE黎食。首先系我马铃薯炖豚肉定食，跟餐仲有面豉汤/沙律同埋腌青瓜，份量十分丰富。豚肉炖煮得好入味，咸甜中带点苹果微香，咁嘅做法就同日式咖喱一样以生果嘅酵素软化豚肉嘅质感，令佢更入味同香口。而薯仔同萝白同样好腍，轻轻一夹就松开，入口即化。女友因为唔太饿，就点左个吉列厚切猪三文治。但真系唔讲得笑两件三文治十分巨型，起码两吋厚。大食女友都话食一个就饱了，要我包底。三文治用料十足，而且有诚意嘅地方系佢先切开块猪扒，再酿入大量芝士后才攞去炸，所以食时拉丝同爆浆效果十足。同时令猪肉KEEP住嫩身，食落无咁干口。饮品方面，UPGRADE左SET LUNCH嘅跟餐饮品做水果花茶，味道系荔枝/玫瑰及草莓三者混合，香味浓郁又解渴。个茶包浸耐啲都无苦涩味，放半包砂糖去平衡返个味道啱啱好，几好饮。