八方雲集鍋貼水餃專門店

营业中

休息中

第一次试用Openrice外卖自取功能，喺Apps落单设定夜晚9点去拎，叫咗4个餐加多份锅贴，Openrice Apps内会有提示餐点准备中定已经完成，我9点左右去到即刻有得拎餐，店员好友善，食物已经包好，一袋嘢食一袋嘢饮，餐具、酱油等可以自己拎。4个餐加多份锅贴平均约每人$45，最好味嘅竟然系珍珠馄饨(和风)，佢配左酸酸甜甜嘅汁好好味，有惊喜；韭菜锅贴都唔错，韭菜会比原味香一啲；原味馄饨就普普通通；韩式馄饨有人话辣，有人话唔辣，我就无试到；全部锅贴馄饨都OK好食；而台湾面线原来有猪大肠，个人感觉闻落系有阵味😂😅，食落系还可以，哈哈哈；饮品方面，珍珠奶茶用嘅系细粒珍珠，Q弹有咬口，而且份量好多下，甜度冰量都系有得拣，少甜少冰都OK，佢用台式饮品嘅包装唔怕倒到四围系，总括嚟讲用Openrice外卖自取都几方便，今次体验唔错，可以再试。