譚仔雲南米線 (已結業)

星期四嘅晚上，大概7:15到 ，我哋嚟咗湾仔食谭仔米线。唔使等位，但到我哋离开嘅时候，就见到都几多人系出面等紧位。 我叫咗酸辣猪润鸡肉米线，再加冻柠蜜少冰。终于可以喺谭仔食到猪润，因为最近呢几次食谭仔都话冇晒猪润，迟嚟过我哋搭枱果两个人想叫猪润嘅时候都已经冇晒猪润。 谭仔酸辣猪润鸡肉米线同平时嘅水准差唔多，好好食，猪润鸡肉数量都好多！ 呢一间谭仔，等候嘅时间都要起码10分钟或以上，（但呢一间都唔系我等得最耐的一间，尖沙咀𠮶一间谭仔我平时都要起码等15分钟到），所以呢一间嘅等候时间，都系可接受范围之内。