影片
更多
2010-10-18
上次第一次食,食左最平的鸡肉蒸笼料理,觉得佢地d鸡肉"鞋"口d,但钟意佢多多菜.呢日带埋大头嚟食多次.但就改叫羊肉蒸笼料理.羊肉蒸笼料理:58大元,有呢个四方宝盒载满成吋厚的菜和菇,上面铺上薄薄的羊肉.伴有两个汁,辣汁和姜汁,汁的味道淡,钟意食得淡的人会啱d.加多12元有个白饭和面豉汤,饭真系唔好味,无黏性无米香,面豉汤大头话饮落咸左d.呢两样佢地都要改进.因见佢地店舖咩时段都几拍乌蝇吓.如果食物好好味,就算贵d,大家都会觉得值得.但亦都请佢地保持多菜少肉,咁先食得健康.如果送件饭后果或甜品或跟番饮品,我谂会吸引番d食客,当然系唔驶我地加钱喇.蕃茄海鲜扁乌冬:58大元:海鲜都几好,鱿鱼好爽口.扁身乌冬都可以,其实类似的面条,系"大家食"重新鲜重好味.平靓正个只呢.而个蕃茄汤底一般,一粒蕃茄仔都揾唔到有点失望.其实佢地识做的话,叫开食物,送d甜头俾人.食得开心又会返来嘛.或者可半价加饮品(波子汽水或者其他嘢),做开左个头,吸引多d食客,咁咪生意好d啰.呢间嘢好静,我谂佢租约期满都应该留唔低.希望佢会改革喇.未试过何谓蒸笼料理或者钟意多多菜的朋友都可以嚟一试的.清淡之选.
呢日带埋大头嚟食多次.但就改叫羊肉蒸笼料理.
羊肉蒸笼料理:58大元,有呢个四方宝盒载满成吋厚的菜和菇,上面铺上薄薄的羊肉.
伴有两个汁,辣汁和姜汁,汁的味道淡,钟意食得淡的人会啱d.
加多12元有个白饭和面豉汤,饭真系唔好味,无黏性无米香,面豉汤大头话饮落咸左d.呢两样佢地都要改进.
因见佢地店舖咩时段都几拍乌蝇吓.如果食物好好味,就算贵d,大家都会觉得值得.
但亦都请佢地保持多菜少肉,咁先食得健康.
如果送件饭后果或甜品或跟番饮品,我谂会吸引番d食客,当然系唔驶我地加钱喇.
蕃茄海鲜扁乌冬:58大元:海鲜都几好,鱿鱼好爽口.扁身乌冬都可以,其实类似的面条,系"大家食"重新鲜重好味.平靓正个只呢.
而个蕃茄汤底一般,一粒蕃茄仔都揾唔到有点失望.
其实佢地识做的话,叫开食物,送d甜头俾人.食得开心又会返来嘛.
或者可半价加饮品(波子汽水或者其他嘢),做开左个头,吸引多d食客,咁咪生意好d啰.
呢间嘢好静,我谂佢租约期满都应该留唔低.希望佢会改革喇.
未试过何谓蒸笼料理或者钟意多多菜的朋友都可以嚟一试的.清淡之选.
张贴
