MR. MAKI (保和大廈) (已結業)

系湾仔上完堂，顺便系附近买野返屋企食。呢间Mr Maki系食寿司，见门面都好干净整洁，就选择在此买晚餐回家。佢店铺唔算大，但都有几个位可以坐低堂食。叫左个带子被困火焰山，个名好得意，如何被困？返到屋企先见到系啲寿司上面系舖满蟹棒丝，里面藏了带子😂😂😂所以带子被困了，无论名字还是卖相都好有创意。由于有大量蟹棒以及带子的关系，系超鲜甜！另外叫左麻麻地软壳蟹，叫左先见到个menu旁边有条辣椒仔，代表系辣既，但食落就发现只系微微的辣味，turns out 我好钟意呢个麻辣酱，好开胃，估唔到麻辣同软壳蟹寿司都好夹。跟餐加$20有埋沙律同半份番薯条，好脆，加上啲蕃薯好甜，就咁食唔洗点茄汁都好味。另一份跟餐小食叫左炸鸡，一边行返屋企一边后悔唔应该叫炸鸡，怕返到屋企就林左唔好食，点知仲系好脆，好犀利！啲汁甜甜地，同埋无咩脂肪，但鸡肉仍然好滑。野饮都好多选择，饮左波子汽水同埋茶。