Hal's Japanese Restaurant (已搬遷) 新店位置

与同事们商量去边到揾食，我醒起kc冇几耐之前食过，我就提议o黎。可能我细粒，觉得d坐位好大好阔。大家见menu有好多定食选择，决定唔食是日set lunch。我点了剌身定食，除了有5款刺身(每款两件)，仲有两碟前菜、面豉汤同饭，刺身都系一般，唔系话特别新鲜，同样质数好多普通日本料理都食到，而且份量唔算太大，男士未必够饱，仲要180 蚊，如果同等价钱我宁愿食我另一同事个“海鲜丼”刺身又多d、饭又大碗d。另外天妇罗定食，有成六七件天妇罗，多之外仲好大件，140蚊都算抵食。餐后送个杯咖啡我反而觉得最好，闻落好香饮落好浓，好多咖啡连锁店都冇佢咁好饮，只嫌佢细细杯唔够喉。至于服务方面唔错，因为初时我望见其他两个同事都系食同款定食，点解我少了两件刺身，问个待应姐姐我少左d㖞，佢立即左我个碟，同埋我同事个碟，佢话俾师傅对下我少左边件㖞，佢仲好有礼貌讲唔好意思tim。价钱o黎讲唔算平，不过我宁愿食佢，都唔食同区的四季。