米線陣 (翡翠明珠廣場)

营业中

休息中

星期六去左铜锣湾行街，行到饿饿地，咁岩想食米线就去左翡翠明珠广场间米线阵食野! 👅大约1:30PM左右到，虽然人好多，但好在只系等左大约5分钟就可以入座，不过位置有d迫，所以就转左坐类似BAR枱比较阔落既位置！👍而点餐后，食物亦都好快到齐，因为本身自己好钟意食蕃茄🍅，一见到佢有蕃茄汤底就毫不犹豫叫左个鸡翼农场蕃茄米线，而同行友人钟情麻辣就叫左个麻辣蕃茄肥牛鱼腐米线，而我地亦都加左个香辣皮蛋伴青瓜小食，一齐share！🎉🎉先讲番佢个蕃茄汤底先，系偏甜既蕃茄味，亦明显见到切件既蕃茄，证明佢唔系就咁用茄膏做汤底，蕃茄数量亦都唔少，有4-5件，而鸡翼就卤得入味，d肉质都好淋，到主角既米线喇，有种煮得唔系太熟既感觉，咬落好硬！呢点就差左少少！到友人既麻辣汤底，因为友人系好钟意食辣，强烈建议同样钟意辣既朋友要叫中辣/以上，而麻辣同偏甜既蕃茄汤底亦比想象中夹，配埋肥牛无得弹，而肥牛数量亦唔少，有6块左右，不过同样地都系主角米线偏硬！而我地亦试左个麻辣皮蛋伴青瓜，$17有两款！的确系抵食！先讲皮蛋，系伴有麻辣酱料，辣味十足，而青瓜就用左类似豆瓣酱既酱料，微微辣，不过略嫌切得比较大件！其实佢小食都好多款