火車頭越南餐室 (浣紗街)

营业中

休息中

第一次黎火车头越南餐室，入到去发现佢啲装修都几特别，带有啲怀旧味，如果坐响餐厅较入既位置，设计到好似车卡啲包箱果度，都几有气氛。平时食越南野嗌生牛肉河就嗌得多，今次都系第一次响越南餐厅嗌蕃茄牛腩粉，好有惊喜啵。蕃茄牛腩金边粉一黎到立即试左啖汤先，汤底有少少甜味，仲饮到好浓郁既蕃茄牛汤，就好似屋企呀妈煲既蕃茄汤再浓缩啲既版本，好好饮，好开胃呀，钟意蕃茄汤既人一定会钟意。牛腩大概有三四旧，每旧都啖啖肉，而且煮到好冧，唔会好似煲汤肉咁，好满足。金边粉份量十足，而且好烟韧。牛油鸡翼由于同朋友黎食，所以都嗌左啲小食share下。牛油鸡翼好香口，上菜果时热辣辣，每只鸡翼都几大只。马拉盏炒芥兰马拉盏啲咸香几惹味，啲芥兰佢都炒得好入味，唔会话好老。