影片
更多
2014-02-06
16466 浏览
同朋友临时决定食呢间的, 下昼5点零打去问即晚食饭仲book唔book到咁接线既男仔都好客气问我几点几位, 我话6点半对方就话要8点交枱; 咁我惊赶唔切过海所以改6点45分啦, 但佢就话都要8点交枱... 我就答咁我地都系两个人唔会食好耐, 所以个人觉得冇问题不过hold枱得10分钟, 我就要赶少少金钟过去都总算赶到搭10过D到; 餐厅其实算大的, 有一层大概800零尺客座, 当时亦只系半满状态sorry太肚饿冇影menu, 但a la carte同set dinner都差不多价钱我就一定会拣餐, 起码有salad/汤同餐茶~ 平均两百几蚊(两百尾)加一是日餐汤系杂菌汤或者你都可以选择Caesar salad或者田普通salad我谂左两秒后拣左汤, 因为汤比较容易试到个厨房得唔得餐包冇之前d comment讲到咁好食可能因为我同朋友都等左阵点汤食所以冻左又硬左少少汤响点餐后15分钟左右到朋友加左少少胡椒，我饮原味留意服务员会响上汤果阵问你要唔要，餐台度除左餐具之外应该所有调味品都要问的汤上面应该有落少少松露油留意盛汤既碟系微热的, 我first impression已经知应该不错因之前
咁接线既男仔都好客气问我几点几位, 我话6点半对方就话要8点交枱; 咁我惊赶唔切过海所以改6点45分啦, 但佢就话都要8点交枱... 我就答咁我地都系两个人唔会食好耐, 所以个人觉得冇问题
不过hold枱得10分钟, 我就要赶少少
金钟过去都总算赶到搭10过D到; 餐厅其实算大的, 有一层大概800零尺客座, 当时亦只系半满状态
sorry太肚饿冇影menu, 但a la carte同set dinner都差不多价钱我就一定会拣餐, 起码有salad/汤同餐茶~ 平均两百几蚊(两百尾)加一
是日餐汤系杂菌汤
或者你都可以选择Caesar salad或者田普通salad
我谂左两秒后拣左汤, 因为汤比较容易试到个厨房得唔得
餐包冇之前d comment讲到咁好食
可能因为我同朋友都等左阵点汤食所以冻左又硬左少少
汤响点餐后15分钟左右到
朋友加左少少胡椒，我饮原味
留意服务员会响上汤果阵问你要唔要，餐台度除左餐具之外应该所有调味品都要问的
汤上面应该有落少少松露油留意盛汤既碟系微热的, 我first impression已经知应该不错
因之前响海运地库一间差不多价位既意餐都冇用热碟装汤, 所以呢度有加D分
第一啖斋试汤, 1. 好thick (本人like既棉棉texture; 最紧要系算热)
2. 鲜
讲完, 1分钟内点晒面包饮到干干净净
不过可能有D人会觉得偏酱既质感, 但我个人觉得佢仍然系汤类
主菜方面我要左个黑猪鞍blah blah blah, 名太长
因为我地唔洗等两份主菜一齐上, 所以会等耐少少
先黎个羊架
一碟两件大大份, 但其实肉唔多朋友叫8成熟, 我地share食既, 如口ok嫰同香
不过本身食开羊会觉得冇乜话太特别
中规中矩
一样, 酱都系upon request的
食好等多10分钟到猪就到喇
第一下系：哗！
哗系因为佢既外形实在太出乎我意料了..我自己平时出街多数食牛, 猪真系绝少点的; 所以见到佢一副汉堡扒咁既样其实我有D失望...
不过朋友另一个角度睇到系只熊掌, 我先发现原来系咁的
切落, 同软身既鸡肉冇分别..但食落, 不-得-了!!!
份猪肉一D都唔粗糙, 香.滑.软.爽
底下既啡色物其实系牛肝菌蓉, 味道系菇质地似薯蓉
再中间就系D烤薯仔, 微咸的入口味道其实好夹, 所以会停不了
加上原来"脚指"部分其实系好似酸梅酱, 超开胃~
好味得济食左四份三, 饱到我..~
因为overall其实都见到厨房系本地中偏中上层价位算细致的, 加上味道真的不错
10分满分我俾9分!
另一加分既细节位系跟热咖啡既奶系用蒸气打热的上~!!
咖啡本身已经即磨打出黎冲所以香得黎醇; 咖啡豆选择不错
实在太欣慰喇~ 不多说, 明既就明啦~唯一美中不足既系个餐冇包甜品
食完hea完都系8点半多D
还枱?! 咩黎架?~! 走果阵都见冇人等位, 但店内已full house, 咁冇问题啦~
两位消费连加一hkd644
我应该会再来的~ 希望下次set dinner有牛扒啦啦啦~
题外话/补充资料：
希望呢个价钱可以包埋甜品同埋收AE卡(重点)!!!
(以上食记乃用户个人意见 , 并不代表OpenRice之观点。)
张贴
