影片
更多
2021-04-26
27 浏览
喺网上见到关于"麻辣五三五"嘅介绍，即系约咗同我一样钟意食辣嘅同事一齐试！蒜泥白肉：每片猪肉片中间都夹住一块青瓜加上用辣椒油同醋整成嘅酸辣酱汁，感觉好清爽！自家制蒜泥好似忌廉咁劲creamy，浓郁蒜香喺口腔大爆发😋麻婆豆腐：豆腐超嫩滑，麻同辣都兼备！因为无叫白饭所以觉得有少少过咸，我哋一致认为如果送白饭一流！蒜蓉炒莴笋丝：因为唔想每一碟𩠌都系辣嘅所以问店员可唔可以改用蒜蓉炒，莴笋清脆嫩绿入口爽甜，可以解一解辣！烤鱼(水煮)+稻庭乌冬：烤鱼都唔算细条而且啖啖肉唔多骨，水煮汁同喺大陆食嘅好相似，好似真系上咗深圳食嘅味道！乌冬滑身又有嚼劲，索哂水煮汁👍🏻虽然全场得一个侍应但佢都好有礼貌同埋叫佢嘅时候佢都好快会过到嚟！
蒜泥白肉：
每片猪肉片中间都夹住一块青瓜加上用辣椒油同醋整成嘅酸辣酱汁，感觉好清爽！自家制蒜泥好似忌廉咁劲creamy，浓郁蒜香喺口腔大爆发😋
麻婆豆腐：
豆腐超嫩滑，麻同辣都兼备！因为无叫白饭所以觉得有少少过咸，我哋一致认为如果送白饭一流！
蒜蓉炒莴笋丝：
因为唔想每一碟𩠌都系辣嘅所以问店员可唔可以改用蒜蓉炒，莴笋清脆嫩绿入口爽甜，可以解一解辣！
烤鱼(水煮)+稻庭乌冬：
烤鱼都唔算细条而且啖啖肉唔多骨，水煮汁同喺大陆食嘅好相似，好似真系上咗深圳食嘅味道！乌冬滑身又有嚼劲，索哂水煮汁👍🏻
虽然全场得一个侍应但佢都好有礼貌同埋叫佢嘅时候佢都好快会过到嚟！
张贴
