咪走雞 (已結業)

知道葵兴站开咗一个新嘅商场，叫做KCC，地点其实好方便，喺正葵兴站有一条好靓嘅有盖行人天桥直接驳过商场，落雨都唔惊啦，呢间咪走鸡就系呢个商场嘅8楼门面其实都几有日式风格，而里面嘅装修都好雅致，空间感好充足，座位亦都好舒服。六点几去到，人唔算多，但走嘅时候已经几乎坐满。睇一睇餐牌，想丰富少少有二人晚餐，细食嘅亦可拣一人晚餐。今日肚饿想食多啲嘢，最后决定两个人叫咗二人餐二人套餐包每人一个例汤，今晚饮嘅系红萝卜莲藕汤，好浓莲藕味，唔会一味得个咸味，饮完无口干，应该冇落味精。饮完个例汤，个主角咪走鸡就上枱喇，用砂锅载着，上枱嘅时候仲系吱吱声，分量够嘅，鸡完全冇骨，鸡肉同鸡皮都好滑。汤底系沙姜味，真系好特别，里面仲有木耳同埋菜，好入味另外个西兰花炒青衣，青衣柳似乎系油泡过再炒嘅，肉质好，唔腥自选咗一个山楂咕噜肉，上枱嘅时候好够热，每一旧肉都系炸到外脆而内有肉汁，唔会死实实，𠮶酱酸酸甜甜，特别开胃。当两个人食到好饱想走嘅时候，竟然唔记得咗原来仲有甜品，送咗两个木糠布甸过嚟，中餐食西式甜品，几fusion几有趣。埋单$228 ，唔使加一。