My Ahjussi (已結業)

原本今日念住食大餐, 但老公临时有紧要事要做, 所以取消左。最后我自行食左个简单午餐, 再上网揾左一间评价不错既小店同老公食个early dinner。拣My Ahjussi 因为想食炸鸡(食炸鸡quota有限, 因为太热气, 再加上被较早前OUTDARK的炸鸡吓怕左, 失去左兴趣, 几个月之后既今日, 决定再挑战一下, 希望可以寻找返系韩国吃过的美味)。我地点左卡邦尼烟肉泡菜意粉, 咸蛋黄炸鸡(6件)同芒果梳打。卡邦尼烟肉泡菜意粉 - 曾经听过有韩国人好👏自豪咁讲过泡菜系可以加系任何食物上面。又系㖞, 泡菜同卡邦尼意粉原来都可以夹得埋, 互不冲突之余, 泡菜既酸辣降低左卡邦尼意粉既油腻感。黄金咸蛋炸鸡(6件) - 推介必点。比OUTDARK的炸鸡好味太多。外脆内软, juicy又入味。绝对系即叫即炸, 因为真系香喷喷, 热辣辣。咸蛋黄酱平均咁包覆住每一件炸鸡, 味道同落既份量都调教得啱啱好, 啖啖香浓惹味。芒果梳打 - 饮品要改善一下, 有轻微药水味。老公话一定要提下既就系除左店员服务态度非常好, 亲切有礼之外, 仲要好勤力, 一有时间就会周围抹, 保持店内整洁, 连装饰花盆都好细心