富士山55 (拉麵沾麵專門店) (已結業)

假期衬老公出去铜锣湾工作，做下跟德夫人去行街，上网锁定目标等佢做完嘢就去开餐，到达富士山55已经两点半，唔洗等位就有枱虽然呢度主打沾面，但个人口味偏爱拉面及海胆，所以一早锁定双倍海胆拉面（$168）平时一碗拉面都过百找数，只系加多少少就有双倍海胆真系好著数，点菜时可以选择面质软硬度，可惜汤底浓度就冇得拣喇~加拿大同日本海胆都有齐，味道鲜甜冇苦涩有海胆做主角鱼子做点缀，轮为配角既叉烧与半熟蛋、爽脆椰菜、海带、 粗笋条舖满成碗拉面。习惯食拉面先饮一啖汤，感觉比较杰身而且有浓浓芝士香味，好彩有椰菜减低饱滞感觉!老公拣既特浓辛辣拉面（$93）汤底够辣食得过瘾，而且唔会太漏，直头成碗食晒连汤都饮埋