金船長餐廳 (已結業)

平时好少经过大角咀，今次特意慕名来试下得奖嘅镇店之宝黑松露pizza。上枱就闻到好香嘅芝士味，pizza焗到金黄松脆，入面夹着一层薄薄嘅黑松露酱，份量恰到好处，唔会太浓烈而抢左本身嘅芝士香味，整个配搭都好夹。侍应建议左几种食法比我地，一系直接原汁原味咁食pizza唔使加料，二系夹住蟹抓菜食，最后就系食之前蘸上旁边嘅提子果醋。三种食法入面最钟意都系搭住提子果醋咁食，酸酸甜甜好醒胃，亦都有提味嘅作用，食多几块pizza都唔觉漏。BBQ酱猪肋骨肉质算腍唔会鞋口，骨同埋肉都容易分离，加上酸酸甜甜嘅BBQ酱，令人好开胃。香煎老虎虾配龙虾汁意大利饭大大只的虎虾非常吸睛，但肉质食落比较实同埋无咩虾嘅鲜味，亦都吸唔到意大利饭嘅龙虾汁，整体嚟讲无咩太大惊喜。