甘飯館 (已結業)

皮蛋酸姜 （$12/位）甘饭馆系镛记老板个仔开既，所以皮蛋酸姜就实有嫁啦。平时我个人就唔太钟意食皮蛋，但呢个真系唔错，个糖心做得好流心，而且佢个酸姜唔会过酸/甜，唔食皮蛋都值得一试。烧鹅 （$268半只）佢既烧鹅皮好脆而且唔肥，啖啖肉，仲有佢个底有蚝油豆，啲旧式烧味铺先会有，啲豆吸晒啲鹅汁，好味。个背脊位好滑，唔洗次次争脾位啦。蟹烧茄子 （$108）呢个系令我最惊喜既菜式！茄子先沾粉炸过，外脆内软又唔会好厚粉，再冧上蟹肉羹，真系超级好味！食完茄子，用返啲蟹肉羹捞饭真系一流。就算你唔钟意食茄子，呢个菜式会令你对茄子改观！