影片
更多
2022-08-19
1002 浏览
同啲同学好耐冇见，其中一个提议嚟哩度食，因为佢之前嚟过话好好味，要带我地嚟试吓（利申我唔系镜粉）估唔到星期四嘅夜晚都咁多人嚟食，好彩一早book咗位✌🏻由于我无睇过份menu，所以正确嘅名同价钱都唔系好记得我地分别叫咗花胶竹笙冬瓜盅汤底大嘅手切安格斯肥牛黄金炸鱼皮（咸蛋黄炸鱼皮）爆汁四宝丸蜜糖柠檬茶墨鱼滑油炸鬼鱼片、菜同饺首先讲下个汤底，上到嚟我地先留意到原来系有鸡😂 店员比我地影完相打卡之后会帮我地整开只鸡先，个汤真系好好味，忍唔住饮完一碗再嚟多碗，不过惊饮饱食唔落其他野，所以唯有制止一下先，最后发现鸡同冬瓜多到食唔晒手切肥牛，牛肉味浓，渌几下就食得，够淋又唔会鞋四宝丸就分别有虾、墨鱼、鸡肉同猪肉，入面包住唔同嘅馅，食嘅时候要小心烫口炸鱼皮有分2只普通同蛋黄，最好尽快食，耐咗会有啲淋，不过真系好邪恶又好好味柠檬茶都有分2款普通同蜜糖，朋友唔小心叫错普通，我地先知有2只，波波柠檬茶系蜜糖，唔好叫错食到咁上下，有店员拎啲镜仔小礼物嚟派，听朋友讲好似定期会转，镜粉唔好错过
估唔到星期四嘅夜晚都咁多人嚟食，好彩一早book咗位✌🏻由于我无睇过份menu，所以正确嘅名同价钱都唔系好记得
我地分别叫咗
花胶竹笙冬瓜盅汤底
大嘅手切安格斯肥牛
黄金炸鱼皮（咸蛋黄炸鱼皮）
爆汁四宝丸
蜜糖柠檬茶
墨鱼滑油炸鬼
鱼片、菜同饺
首先讲下个汤底，上到嚟我地先留意到原来系有鸡😂 店员比我地影完相打卡之后会帮我地整开只鸡先，个汤真系好好味，忍唔住饮完一碗再嚟多碗，不过惊饮饱食唔落其他野，所以唯有制止一下先，最后发现鸡同冬瓜多到食唔晒
手切肥牛，牛肉味浓，渌几下就食得，够淋又唔会鞋
四宝丸就分别有虾、墨鱼、鸡肉同猪肉，入面包住唔同嘅馅，食嘅时候要小心烫口
炸鱼皮有分2只普通同蛋黄，最好尽快食，耐咗会有啲淋，不过真系好邪恶又好好味
柠檬茶都有分2款普通同蜜糖，朋友唔小心叫错普通，我地先知有2只，波波柠檬茶系蜜糖，唔好叫错
食到咁上下，有店员拎啲镜仔小礼物嚟派，听朋友讲好似定期会转，镜粉唔好错过
张贴
