貴川風味館

营业中

休息中

我本身有米线瘾既，一个礼拜点都会有一至两次食米线，今次我就食咗元朗呢间贵川风味馆。店内环境比较迫，不过嘢食好味，所以间中都会去呢间食。每次嗌米线我都会嗌麻酸辣汤底，而我老公就试过金汤同埋沙嗲汤底，而𩠌嘅肉类选择不多，我通常会嗌鸡丝、云耳、紫菜。而竹笙我原本好钟意食，但上次试过嗌竹笙，汤底变杰，唔太建议嗌。鸡丝非常爽滑一啲都唔鞋，紫菜给晒汤汁非常入味，而米线系烟韧同滑，超钟意食呢个口感，我会走埋韭菜同芽菜，更加食到米线嘅质感。而我最推介嘅就系佢个麻辣皮蛋，黄色嘅皮蛋食落去非常特别，有时我仲会打包一份返屋企食。