影片
更多
2012-10-16
59 浏览
假期同 honey 去 Elements "hea", 想食越南嘢。大概 1 pm 走到 nahm。我以前都听过 nahm 乱咁计数，但果间好似系 K11, 同埋我哋得两个人，可以容易啲 check 单，所以唔怕试试。我 哋冇定枱，要等一阵间（一分钟？）就有位。Honey 见到餐牌上有牛肉河 ($72) 就想叫。又想食个屏盘（有一次食过），但餐牌上冇，所以我就提议什么越南春卷。又想食得健康啲，所以要揾个菜。又见到隔离枱食一大碟咖喱乜，所以揾餐牌，睇吓有乜咖喱。如果食咖喱就要叫饭，唔要河。我哋问个 waitress 隔离食乜，佢话咖喱蟹。最后，我哋决定，叫咗：素菜纸米卷 ($62)、黄咖喱鲈鱼 ($148)、蒜蓉波菜 ($48)、椰香饭 ($16)。纸米卷有四条，贵咗啲，但都 ok 好食。虽然唔系我所料嘅炸春卷，而系好清新冻食、用米纸包。我哋好钟意佢另外上嘅疑似花生酱（和椰奶开稀？）。Honey 就食埋喺其中两条包住嘅疑似 lemongrass.鱼虽然贵，但物有所值。有两大片鱼，肉质鲜味、又弹牙。咖喱微辣，又有啲椰奶和薄荷叶一齐整，但冇盖过条鱼啲甜味。用黎捞饭就一流!!! 啲咖喱好香，但
Honey 见到餐牌上有牛肉河 ($72) 就想叫。又想食个屏盘（有一次食过），但餐牌上冇，所以我就提议什么越南春卷。又想食得健康啲，所以要揾个菜。又见到隔离枱食一大碟咖喱乜，所以揾餐牌，睇吓有乜咖喱。如果食咖喱就要叫饭，唔要河。我哋问个 waitress 隔离食乜，佢话咖喱蟹。
最后，我哋决定，叫咗：素菜纸米卷 ($62)、黄咖喱鲈鱼 ($148)、蒜蓉波菜 ($48)、椰香饭 ($16)。
纸米卷有四条，贵咗啲，但都 ok 好食。虽然唔系我所料嘅炸春卷，而系好清新冻食、用米纸包。我哋好钟意佢另外上嘅疑似花生酱（和椰奶开稀？）。Honey 就食埋喺其中两条包住嘅疑似 lemongrass.
鱼虽然贵，但物有所值。有两大片鱼，肉质鲜味、又弹牙。咖喱微辣，又有啲椰奶和薄荷叶一齐整，但冇盖过条鱼啲甜味。用黎捞饭就一流!!! 啲咖喱好香，但条鱼有骨,要小心啲食，最后有菜喺底，我比呢碟 9分（10分满分）。(thumbs up)
碟蒜蓉波菜就好普通，不过不失，同广东做法冇乜分别。 （6/10分）
饭当然好香，ok 大碗，两个人食都够。(8/10分)
题外话/补充资料：
Nahm 好钟意乜嘢都落啲炸蒜片。钟意食蒜，就会觉得好香。唔钟意食，就会觉得食到口臭。好在我哋冇所谓 :P
(以上食记乃用户个人意见 , 并不代表OpenRice之观点。)
张贴