影片
更多
2009-03-27
16 浏览
之前听个friend介绍话几抵食，咁我本身又好钟意食牛肉，所以禽晚去试下。一去到见到都几多人等位，我地都等咗大半个钟。门口有好多海报，话呢排庆祝太子店开张，所以将＄１００个餐，减至＄８８（清汤底）。我地选了个＄１２０餐，系日式汤底，煲汤拎到嚟果时，只系见到成盘「红色嘢」，有少少惊吓，但食落又几好味，啲汤系甜甜地。去之前都有睇过openrice个评分，都有啲担心职员态度差，但我都觉得acceptable，有两个职员态度几好，主动refill肉和水，系有一个女仔面黑黑咁。不过最搅笑系，我地食食下，可能系电压关系，成「条」枱突然停电，要等一阵先resume返。最后，我地２个人食咗２碟牛肉（大）和１碟猪肉（细），另加两碟蔬菜加乌冬和雪糕。所谓大碟，就系一开首佢拎嚟果碟既份量算「大」，我地惊食唔哂又想试，所以猪肉叫佢俾细碟就得勒。有少少建议，佢地应该提供多对「公筷」俾人夹生肉 ，同埋点解无spoon？仲有想问下浸住个「勺」啲水，究竟系新加落去呢，定放左好耐呢？我啱啱坐低望，好似有少少污槽，不如好似一般酒楼咁，个客未坐低时，先放喺枱面，等个客自己洗下，会唔会好啲？？
我地选了个＄１２０餐，系日式汤底，煲汤拎到嚟果时，只系见到成盘「红色嘢」，有少少惊吓，但食落又几好味，啲汤系甜甜地。
去之前都有睇过openrice个评分，都有啲担心职员态度差，但我都觉得acceptable，有两个职员态度几好，主动refill肉和水，系有一个女仔面黑黑咁。不过最搅笑系，我地食食下，可能系电压关系，成「条」枱突然停电，要等一阵先resume返。
最后，我地２个人食咗２碟牛肉（大）和１碟猪肉（细），另加两碟蔬菜加乌冬和雪糕。所谓大碟，就系一开首佢拎嚟果碟既份量算「大」，我地惊食唔哂又想试，所以猪肉叫佢俾细碟就得勒。
有少少建议，佢地应该提供多对「公筷」俾人夹生肉 ，同埋点解无spoon？仲有想问下浸住个「勺」啲水，究竟系新加落去呢，定放左好耐呢？我啱啱坐低望，好似有少少污槽，不如好似一般酒楼咁，个客未坐低时，先放喺枱面，等个客自己洗下，会唔会好啲？？
张贴