影片
更多
2023-07-08
116 浏览
今天入咗沙田探朋友，就试下呢间喺丽豪酒店入面嘅自助餐，餐厅位于丽豪酒店三楼，外边有唔少儿童游乐设施，适合餐前餐后俾啲老板放下电，餐厅以澳门街作主题装饰，侍应小姐安排咗我地坐池畔位置，望住出面个泳池嚟食自助餐，系时候超吓。餐厅食品种类繁多，冷盘有长脚蟹、冻青口、海虾、海蚬、各式日本刺身、沙律、芝士拼盘、巴马火腿、沙乐美肠、而热荤、池畔BBQ、饮品、甜品等各自亦都有十几廿款，以每人唔洗四百蚊嚟讲，的确相当超值。首先嚟回吓本先，夹咗大量嘅长脚蟹、冻青口、海虾、海蚬，长脚蟹口感清爽，带有微微嘅海水味，青口同海蚬肉身饱满，最令人惊艳嘅系海虾，虾肉新鲜弹牙而且极富甜味。跟住就食吓 HAM，COLD CUT 同芝士，我特别钟意呢一只包住酸青瓜条嘅烧牛肉，酸青瓜同烧牛肉个味道非常配衬之余又开胃，我忍唔住系咁攞嚟食。芝士烧龙虾，龙虾任攞，REFILL 得又快，攞到埋枱面都仲系热辣辣，继续回本之选。热荤方面以呢个印度咖哩同小炒皇最为出色，咖哩味道正宗，充斥住满满印度香料嘅香气，忍唔住送咗几啖饭。户外池畔范围有多种 BBQ，猪扒、牛扒、鸡扒、羊架、猪颈肉、肠仔、烧蔬菜等等都一应俱全。最后除咗 MOVENPI
今天入咗沙田探朋友，就试下呢间喺丽豪酒店入面嘅自助餐，餐厅位于丽豪酒店三楼，外边有唔少儿童游乐设施，适合餐前餐后俾啲老板放下电，餐厅以澳门街作主题装饰，侍应小姐安排咗我地坐池畔位置，望住出面个泳池嚟食自助餐，系时候超吓。
餐厅食品种类繁多，冷盘有长脚蟹、冻青口、海虾、海蚬、各式日本刺身、沙律、芝士拼盘、巴马火腿、沙乐美肠、而热荤、池畔BBQ、饮品、甜品等各自亦都有十几廿款，以每人唔洗四百蚊嚟讲，的确相当超值。
首先嚟回吓本先，夹咗大量嘅长脚蟹、冻青口、海虾、海蚬，长脚蟹口感清爽，带有微微嘅海水味，青口同海蚬肉身饱满，最令人惊艳嘅系海虾，虾肉新鲜弹牙而且极富甜味。
跟住就食吓 HAM，COLD CUT 同芝士，我特别钟意呢一只包住酸青瓜条嘅烧牛肉，酸青瓜同烧牛肉个味道非常配衬之余又开胃，我忍唔住系咁攞嚟食。
芝士烧龙虾，龙虾任攞，REFILL 得又快，攞到埋枱面都仲系热辣辣，继续回本之选。
热荤方面以呢个印度咖哩同小炒皇最为出色，咖哩味道正宗，充斥住满满印度香料嘅香气，忍唔住送咗几啖饭。
户外池畔范围有多种 BBQ，猪扒、牛扒、鸡扒、羊架、猪颈肉、肠仔、烧蔬菜等等都一应俱全。
最后除咗 MOVENPICK 之外仲有不定时供应嘅火焰雪山，每当呢个童年回忆火焰雪山推出嘅时候厨师都会敲钟提醒火焰雪山嘅推出，确保客人唔会错过。
张贴
