大家樂 (已結業)

上星期三跟朋友来了大家乐食晚餐,一段时间没有来,哗,今晚劲多人,唔知系咪因为出左铁板餐呢?我地两个人叫了一个焗猪扒饭+南瓜鸡皇饭配冻珍珠奶茶,另叫了一个铁板牛扒餐配芒果西米冰.焗饭很快就有不用等,我地一齐食,焗猪扒饭好淋好味,南瓜鸡皇饭也很好味呀,大家乐的焗猪扒饭我朋友好钟意食,佢话好好味,食极都唔会厌.铁板餐等左好耐都未有,因为太多人的关系,所以都好鬼死耐先有,我地食完成个焗饭都未有.初初朋友出去攞,佢话个块牛扒好细块,叫佢换块大块d既,不过竟然冇果块香草牛油我地后尾先发现.不过牛扒都好好味,下面有些红腰豆,有些薯菜,份量也很大,另配一个酥皮汤,还有一个焗薯,另可加钱配香蕉船.我觉得好抵食,因去其它餐厅都唔会咁平的价钱有咁多样野食.