Pepper Lunch (馬鞍山廣場)

营业中

休息中

早前疫情期间，试过Pepper Lunch外卖，虽然食品系一样，但系堂食仲有铁板可以Keep住热辣辣，风味绝对唔同，始终都系堂食好。美国薄切牛扒 几片牛扒跟薯蓉、菜，仲有大大碗白饭。牛扒都真系相当薄，煎得稍为过左火，所以韧韧地。珍宝黑椒牛肉饭平常最爱都系呢个珍宝饭，今次仲加埋芝士。呢个牛肉太薄啲，再另外加上蒜蓉汁捞饭更加好味，感觉上仲好食过薄牛扒。当然要加钱跟套餐，有汽水同Haagen Dazs雪糕，虽然得两款口味，但已非常丰富。原来Pepper Lunch都出左儿童餐。拣左煎蛋牛肉饭，一只靓蒜蛋，一大堆粟米，几片牛肉，白饭同成人版白饭都无乜分别，一样咁大碗。儿童餐跟埋饮品可以拣利宾纳，仲送小厨神贴纸。小朋友相当开心。最钟意呢度，有齐BB High Chair，仲有儿童餐。不过小朋友真系要小心铁板，我地就另外用碗仔装起俾小朋友，安全好多啦。