和三昧

营业中

休息中

朋友带我到来食生日饭，我同我个朋友都非常爱食铁板烧的，所以佢带我黎左呢间食铁板烧。广岛珍珠蚝是我的至爱，呢度既师傅会将蚝既外层煎得甘香脆口，内部则非常甜美，外脆内软，很甜，调味又亦调得很好。我成日都觉得蚝既种同埋产地系十分重要的，呢度既珍珠蚝真系几好味。跟著我地又order左烧大虾同埋带子，食铁板烧最精彩就系可以看着铁板师傅处理食物，睇见铁板师傅处理连壳大虾就好似睇著刺身师傅整活鱼刺身咁，十分精彩。带子同大虾比较下，我个人比较爱吃这里既带子。可能因经加热后，带子会自然缩小，而带子既精华就会更浓缩，好似食爽滑的干瑶柱，感觉都相当特别。我地一边食一边饮清酒，不知不觉都饮左好多。我地最后都带住少少醉意，真系一餐很满足的生日饭。