龍門冰室 (已結業)

环境4分：环境光猛，比一般茶记光鲜，卡位最阔落，但其他Ｄ散枱都唔系好迫，可以畀四分。卫生4分：餐牌有胶套套实，唔会黐立立，枱面Ｄ汁酱调味刀叉都好企理好干净，可以畀四分。服务 5分：楼面伙记好鬼好人，点菜会自动介绍招牌食品，叫晚餐食又会提埋客人另加十蚊鸡可以升呢食埋鸡翼薯条放题，响冰室食饭都系第一次有服务员会主动换干净碟同跟进食物，细心到呢，唔畀满分唔得。味道4分：1)    冻柠茶够冻够柠檬。2)      牛仔骨拼炸虾炸带子配薯菜，铁板真系好热好热，Ｄ肉放响Ｄ薯菜面冇熟透所以唔会韧，Ｄ烧汁另外上可以自己控制加几多，好有头脑。牛仔骨肉好软淋，个烧汁甜甜地都好好味。3)      纽西兰羊架拼香草肠，条香草肠非常非常之大同长，差唔多去到铁板嘅长度，同平时早餐食开果Ｄ简直冇得比，份量十足。羊架有两块，切落去应该有medium，唔骚，咬得到，跟个咖哩汁有少少辣，点意粉食就一流。4)      晚餐餐汤只有罗宋汤一款，汤一上枱热辣辣，有多款蔬菜响里面，好足料。5)      三款鸡翼有瑞士汁，椒盐同埋蜜糖，非常快上到枱，任叫任食非常之抵，瑞士汁炆到超级淋，蜜糖鸡翼就感觉上冇咁热气。6)