鉄人旨花

营业中

休息中

朋友讲咗好多次，食铁板烧一定要食鉄人旨花，好啦，今次一于试试佢！我哋两个人叫咗龙虾铁板烧，前菜沙律就一般啦，汁煮白鳕鱼，系整得几好食嘅，佢仲特登将个鱼皮烧到脆卜卜 。跟住就主角「龙虾🦞」，啲龙虾肉超弹牙！真系好好味，本身龙虾有新鲜，佢配埋海胆汁更加鲜味。然后一份黑毛A5和牛，唔好睇佢得三件，其实都几漏，所以呢个份量啱啱好 。我觉得系几好食，但系冇讲到话系铁板烧嘅天花板咁夸张，主要系呢度食材系好新鲜，佢哋整得又有心机，所以系好食嘅，至于性价比我就觉得一般，有少少偏贵，人均$2380+10%=2618，有少少名多于实。所以总括嚟讲，味道唔差，只系呢个价钱都有好多选择 。