北海道食堂 (已結業)

沙田嘅北海道食堂之前食过晚餐，今日经过嘅时候竟然见到佢出咗放题，价钱都适中，仲包埋铁板烧物，所以心郁郁入咗去试😳😳咪讲笑，晚上7点：30左右，入到去餐厅已经坐满8成，睇嚟应该都唔错，哈哈😆放题有几款形式俾你选择，有特上放题、极上放题同极盛放题，我哋就拣咗极上放题$268，都可以食齐寿司、刺身、铁板烧、炸物、串烧、料理、火锅同沙律，当然饮品都系任饮啦✌🏻重点系绝对冇拖晚上菜嘅速度，亦少有漏单嘅情况虽然每款对比出面嘅放题就唔算太多选择，但每样都几出色好味！刺身都切得适中、厚实，唔会太薄，识开嘅三文鱼、油甘鱼、带子、八爪鱼等刺身一定有，而比较少见嘅白玉豚刺身都好正😳手卷方面虽然得两三款选择，但佢嘅香芒鹅肝手卷出奇地咁好味，哈哈，每一啖都有鹅肝喺入边，好爽😄而主打嘅铁板烧物就一定要叫广岛蚝同鹅肝，食多几转感觉已经返本了🤣🤣咪讲笑，我哋前前后后都叫咗四五转😆再嚟串烧就要食牛舌、鳅刀鱼同烧鸡翼，呢三款食完我已经立刻落第二转😍嘢饮都算多选择，乌龙茶啊韩式饮品啦可乐啊都齐晒，包有一款啱心水！食完今餐要努力减肥啦😜