鉄人大盛 (已結業)

今晚同屋企人去左尖沙咀食放题，食7:45-9:45时段 $328，见到都好多一家大细去食。之前见到有d枱对住铁板，而我就被安排在普通座位，环境偏暗。铁板主题的放题店，当然要食铁板烧物，新鲜烧，热辣辣。有烧羊架、鲭鱼、牛舌；特别推介烧翠肉瓜、菠萝、鸡肶菇，食完烧肉油腻野再食番d蔬果，好清新。炸物有芝麻鸡翼、炸虾同埋炸蚝，炸得都几好。刺身点左赤贝、甜虾、带子同北寄贝，wasabi好攻鼻，好刺激！仲有冷盘，蟹子沙律同八爪鱼，仲有d卷物同寿司拣。饮品种类繁多可以任饮，仲有可以任食haagen Dazs 雪糕，我食左咖啡味同香蕉味，好少见到的口味，好正啊！