鉄人大盛 (已結業)

今晚去尖沙咀食铁板烧放题，仲可以坐系bar枱睇住师傅即场铁板烧，店舖有张bar枱每张枱都有师傅负责烧不同种类的铁板烧，第一次尝试咁新鲜铁板烧又可以睇住师傅即场烧。有order师傅即场烧又可以坐系度睇。放题种类繁多包括锅物，铁板烧，烧物熟食，刺身，寿司，一品料理等。。。香煎鹅肝下面放上松脆多士，鹅肝好香配上多士一起食又好好食，芝士酱带子又烧到香喷喷啖啖芝士味，黑松露鱼扒煎到好嫩滑沾上黑松露酱更加美味。蒜香烧蚝上面舖上蒜蓉好香口蚝又不腥，烧菠萝好甜又多汁，烧脆肉瓜和鸡脾菇又烧到好入味。刺身带子好鲜甜，北寄贝和赤贝都好爽脆，希灵鱼和荣螺全部刺身都好新鲜又冇雪藏味。寿司饭又软熟，鳗鱼寿司又好好味，海胆寿司又鲜甜。每位送一只大大只虾，肉质爽又美味可口。清酒煮蚬又大大只又冇沙，肉质饱满，天妇罗又炸到好香口。炒野菜又炒到好香甜甜地。仲有哈根达斯雪糕任食仲有好多口味超正。