影片
更多
2022-11-01
213 浏览
又食好嘢，不过系用超值价钱，享受高级用餐。除左喺日本，都未试过喺香港食铁板烧，所以一行入餐厅，见到L型嘅铁板烧吧枱已经好兴奋、又好期待。餐厅唔算大间，但坐位好阔落，我地嚟得早，可以坐到吧枱位，一边食、一边睇住厨师精心处理每一道菜，用餐感觉特别好。我呢d懒人加选择困难症患者，当然系拣套餐啦，唔平、唔贵，要左个B餐。😄厨师会跟客人分享食材选择及烹调技巧，有咩要求仲可以当面同厨师讲，呢种用餐经验已经值得加分。前菜：🐙芥末八爪鱼，芥末唔会抢喉、攻鼻；八爪鱼切成细细粒，入口爽脆。用了冰菜做装饰，很美。生洋葱垫底增加了味觉嘅刺激。🥚茶碗蒸面层有滑滑嘅蟹肉羹，同蒸蛋搞混进食，除左蛋香，仲有啖啖蟹肉。🍽黑松露帆立贝，特别之处系帆立贝在高汤之内上枱，汤汁系黑松露加鱼汤伴混，唔只有帆立贝食，仲可以饮埋个汤，汤味鲜甜，带有黑松露嘅香。而帆立贝挺身、大大只，有口感之余，鲜味与黑松露味平衡，两者味道在口腔内交缠。🍽南非鲍鱼，用了蟹肉海苔酱画碟花，令到整体美感大增之余，沾上鲍鱼伴食又是另一翻美味。厨师还非常细心在烧鲍鱼时，顺道将鲍鱼轻轻界开，这样鲍鱼就能够内外火喉一致，七成熟啱啱好，保持到鲜味之余，亦能轻易咀嚼。
除左喺日本，都未试过喺香港食铁板烧，所以一行入餐厅，见到L型嘅铁板烧吧枱已经好兴奋、又好期待。
餐厅唔算大间，但坐位好阔落，我地嚟得早，可以坐到吧枱位，一边食、一边睇住厨师精心处理每一道菜，用餐感觉特别好。
我呢d懒人加选择困难症患者，当然系拣套餐啦，唔平、唔贵，要左个B餐。😄
厨师会跟客人分享食材选择及烹调技巧，有咩要求仲可以当面同厨师讲，呢种用餐经验已经值得加分。
前菜：🐙芥末八爪鱼，芥末唔会抢喉、攻鼻；八爪鱼切成细细粒，入口爽脆。用了冰菜做装饰，很美。生洋葱垫底增加了味觉嘅刺激。
🥚茶碗蒸面层有滑滑嘅蟹肉羹，同蒸蛋搞混进食，除左蛋香，仲有啖啖蟹肉。
🍽黑松露帆立贝，特别之处系帆立贝在高汤之内上枱，汤汁系黑松露加鱼汤伴混，唔只有帆立贝食，仲可以饮埋个汤，汤味鲜甜，带有黑松露嘅香。而帆立贝挺身、大大只，有口感之余，鲜味与黑松露味平衡，两者味道在口腔内交缠。
🍽南非鲍鱼，用了蟹肉海苔酱画碟花，令到整体美感大增之余，沾上鲍鱼伴食又是另一翻美味。厨师还非常细心在烧鲍鱼时，顺道将鲍鱼轻轻界开，这样鲍鱼就能够内外火喉一致，七成熟啱啱好，保持到鲜味之余，亦能轻易咀嚼。
🥩美国安格斯牛肉薄烧 +季节野菜 🍅
食之前，厨师除左问生熟度，仲会问食唔食葱蒜，原来薄烧牛会包裹着葱蒜一起烧，生菜包食得多，牛肉包还是第一次食🤭。切开牛肉，还见到微红嘅肉色，火喉非常准确；入口除左肉香，仲有香浓嘅葱蒜味。
季节野菜配有龙珠果、日本水果蕃茄及冰菜。第一次食同听到水果蕃茄呢样嘢，起初仲以为自己听错，要侍应讲多次😅呢个系绝顶好食，有车厘茄嘅质感同蕃茄香，但表皮好柔软，同时有像士多啤梨一样嘅香甜，真系好好食，可惜只得约1/3个，太小啦，真系唔够喉。
海鲜炒饭 用了静冈县银稚鱼，细细条似白饭鱼咁，整个炒饭好香，配合埋半熟蛋一起食，滋味。
🥣吸物即清汤，大蚬汤汤味虽清，但鲜甜，蚬味浓郁；在尝甜品前，享用这个汤，能先清除之前食过嘅牛肉或炒饭嘅浓味，之后就可以更好好品尝甜品。
🍡甜品，黑芝麻，哗! 白芝麻，哗哗!🤣有人识吗？甜品上枱时，脑海就立即浮起这个儿时玩意。白芝麻大福混入了豆沙蓉，而黑芝麻大福则混有雪糕，两者味道截然不同，为这道晚餐画上完美句号。
位处尖沙嘴、高质食材、环境舒适、再加埋咁好嘅服务态度，呢个价钱，绝对系性价比超高。
张贴
