北海道食堂 (已結業)

呢间餐厅上次我哋嚟过，不过冇点铁板嘅食物。我阿妹推介话依间嘅铁板烧嘅食物好好味，所以这一次我哋夜晚再嚟试吓先。餐牌选择好多，花多眼乱我哋各人点左一个晚餐, 最后加多一客甜品。先来嘅系跟餐嘅热柚子蜜，香甜浓郁。和牛炒饭非常香，一上枱已经被吸引着！和牛粒脂肪系口溶化出好浓郁嘅味道，烧得啱啱好。饭炒得粒粒分明，葱花都炒到好香。跟餐嘅茶碗蒸好好味，幼滑香浓。配餐嘅蔬菜瓜类也味道清新。铁板比目鱼扒外皮烧得好香，鱼肉好滑，配上柠檬汁入口开胃又冇咁油腻。最后我哋食埋呢个北海道十胜红豆黑芝麻雪糕，非常满足。丸子有咬口又弹牙，芝麻雪糕芝麻味香浓，配合埋软绵绵嘅红豆蓉一齐入口食，好日式嘅甜品😊好满意的一餐😊值得再次帮衬。