金記冰室 (康怡廣場北座)

营业中

休息中

康怡广场开了一间金记冰室，我地又多了一个饭堂嘅选择。今晚屋企无人煮饭，唯有落街食金记。晚饭时间超多人排队，睇黎大家都唔想煮饭。等了十几分钟，终于坐低了。细佬二话不说就要食铁板西冷，爸妈就要正正经经食小菜白饭，所以就叫铁板西冷牛扒，凉瓜炆鱼柳，风沙炸豆腐，金银蛋肉碎浸时蔬。西冷牛扒好大块，差不多有整块铁板咁大，切落去好冧，啱啱七成熟，食落好有牛味，一d都唔老，正，比大x乐果d好得多。凉瓜鱼柳份量好大，凉瓜好爽脆，唔会好苦，略带甘甜。班腩炸得好脆，炸粉好薄，鱼肉好滑。金砖风沙炸豆腐好滑，唔系一般嘅滑，系非常滑，炸粉非常非常嘅薄，外脆内软，非常好味。金银蛋肉碎浸时蔬好清，个汤好甜，即使唔系炒都一样咁好味。原来想叫杯咸柠七，结果原来系无，咁唯有叫杯冻柠宾顶住先。