新澳咖啡餐室 (民泰街) (已結業)

系台湾订咗D电单车零件，原本打算圣诞假期有时间安装，点知延期之余，D零件仲唔啱装，要去修改，一改再改，改到今时今日，终于完成!部车令仔哂!想话揾个地方可以一边食饭，又可以泊部车系旁边睇实，深水埗又啱啱去完无耐，猛然醒起新澳门口又有座位，正正对开就有电单车泊位，于是成为不二之选.上两次帮衬都唔太满意，希望今次有改善.去到门口，出面D座位满哂，庆幸电单车就有位泊!点咗碟干炒牛河走芽菜多葱，小熊就点咗份铁板鸳鸯扒，有西冷牛扒同鸡扒.先讲讲铁板餐，最低要求，块铁板要够辣手，淋D黑椒汁上去会发出咋咋声先啦!哩个要求新澳满份完成.西冷就薄切，而且薄得有D过份，但个黑椒汁带甜惹味，夹自己口味.鸡扒肉嫩多汁，最欣赏系栗米粒，虽然唔系用上我欣赏嘅三色豆，但栗米亦唔差，总好过蕃茄同椰菜，另外薯条够热够脆份量足.干炒牛河走芽菜但葱唔见俾多，有位姐姐见到张单要求多葱，主动问我地要唔要葱蓉，可惜葱油味重咗D，而干炒牛河无偷工减料，数过有九件牛肉，首先食落无咩奇怪肉松粉味，而牛肉肉质松软，多D洋葱同芝麻更理想.系门口等咗一阵，见到D外卖人士系条街踩住部单车乱咁行!相反方向行又有，无著灯又有，踩上行人路又有，哩D又