道頓堀御好燒專門店 (希慎廣場) (已結業)

行到去food court 楼层，见到有御好烧，就入去挑战下自己。叫咗个豪华二人套餐，都包咗好多野食，沙律，御好烧，海鲜烧肉拼盘等，全部都要自己 DIY。- 道顿堀杂锦御好烧最期待既菜式，材料已经调好晒，可以跟制作教学去整。其实都系用计时器计时，够钟就反一反，最后就加啲酱油。出黎既卖相，味道都唔错，又好玩。- 黑椒芝士鸡肉炒饭依个要靠自己，冇教学，不过都系见熟就加野落去，捞一捞。鐡板炒饭，望落真系好劲。- 海鲜拼盘 (虾，带子，鱿鱼)份量比较少，煎完都好爽口。- 杂锦烧肉拼盘 (牛皮腱，鸡肉，1cm厚切加拿大猪腩肉)全部肉已经调咗味，主要都系黑椒，而且系冇其他酱料，比较失望。其实，都系满足 DIY 愿望，有得玩，有得食，已经好开心。不过，员工比较少，有时唔肯定点做，就揾唔到人问或都帮手，同埋冇其他酱料提供。