鉄人大盛 (已結業)

呢间位于格兰中心嘅铁板烧放题, 店内有多张铁板吧枱, 俾你围住铁板边睇师傅表演, 边食即席烧起嘅热辣辣美食。每台会先上一盘刺身并盘, 多款刺身之中虾系亮点！够晒大只, 肉厚鲜甜。寿司之最系火灼左口鱼边, 肉质带点爽口, 唔算松软, 但鱼油丰富。羊架由铁板即场烧起, 热度十足, 切开肉质嫩滑, 略带粉红, 烧得啱啱好, 正呀。烧鳗鱼入口大有惊喜！鳗鱼脂肪比例高, 口感极为软滑, 绝对唔系普通档次。法式鹅肝外层焦脆, 一口咬下脂香浓郁澎湃, 虽然系有点邪恶, 但都忍唔住要叫多一round。烧汁一口牛 葱花牛肉一口牛肉质柔软, 牛味香浓, 份量足。葱花牛肉就相对袖珍。炸物热度够, 香脆可口。四款冷盘小食。无限haagen dazs任食！食返两三杯, 都唔过份啦。