炳記茶檔

营业中

休息中

被称为铜锣湾后花园嘅大坑，中、日、西、泰、越、星马菜等等嘅特色食店都有。虽然依家嘅大坑比以前失色唔少，但都有唔少人气排队热店，例如呢间喺街边嘅炳记茶档，卖点系铁皮屋大排档风味，每次weekend经过，都会大排长龙，所以我特登平日嚟，试吓佢嘅嘢食同埋奶茶啦！猪扒煎蛋面呢度嘅食物款式贵精不贵多，而作为大排档又点少得公仔面呢！老板用自家秘方将猪扒腌过夜，所以猪扒带有浓郁嘅黑椒味，够晒juicy惹味。而为咗食得方便，所以细心切件上枱。至于鸡蛋就略为过熟，想食蛋黄嘅，记住转做太阳蛋喇！A姐就话欣赏佢加上几条菜，感觉健康少少㖞。最后，记住加埋枱面嘅麻油，即刻味道层次double up！