越旺 (已結業)

夜晚来到﹐食客唔系好多。 想入店内时企系佢地道自动门前﹐点知道门冇反应。行前试又唔开﹐行后试又唔开。最终d店员要系里面行埋道自动们先开。当食紧果时都见到道自动们感应唔到出便企系门前想入来既人。 老婆叫左牛腩粉﹐本人就要熟牛肉牛腩牛筋粉(两个都加底)。老婆同本人喜欢食香叶﹐但觉得呢间落既各种香叶唔及登龙街果两间香。可能因呢度冇parsley既关系。粉既份量虽然加左底﹐但亦比出面既普通size少。唔怪得知呢道写明加底唔加钱啦﹐原来加底都系比出面少。食食下只见辣椒酱﹐一问之下先得知呢度冇辣椒油供应。佢地亦“骑呢”地用铁制既筷子﹐铁传热快﹐食食下就会比d汤浸到滚晒既铁筷子烫到口唇同舌头。 服务亦唔系好得﹐d仕应成日系店后既厨房位唔知搅乜。搅到我地坐系店前近门口位想叫人都见唔到d仕应去晒边。试过呢次都谂唔到呢度有咩会令我地再来帮衬既原因。