大快活 (康怡廣場北座)

营业中

休息中

最近咗报章报道，知道香港女生破解乌龙茶浓度能抑制前列腺癌细胞生长，研究发现，在乌龙茶浓缩液中，每毫升若有零点二五毫克的茶多酚，癌细胞存活率能减少达九成，但过淡会令存活率飙升一倍，过浓则不会产生抑制作用。见到大快话推出咗镬仔大韩系列，用报纸 coupon 购买，送一支 250ml 道地极品清乌龙，于是决定今日中午就买嚟试吓。 拣咗一个镬仔大韩牛 ($32) 及一个镬仔大韩猪 ($30), 啲牛肉同猪肉，全部都好够淋又够入味，每份餐都配有煎蛋角、酱炒年糕同珍珠饭。虽然话系珍珠米，但系啲饭一粒粒，唔会黏埋一旧旧，块炒年糕烟烟韧韧，都几好味，不过啲配菜当然无广告相片𠮶啲咁靓，只系一堆椰菜，整体算唔错，一试无妨。无糖乌龙茶未饮，唔知有无招纸上所写嘅清香、清淡、解腻同回甘呢？但无论如何，医学研究发现乌龙茶含有抗氧化剂，能增进骨质密度、强化记忆力，帮助降低体脂率，让体脂分布趋于正常，所以大家不妨多饮乌龙茶喇。